Í gær voru teknir tíu borkjarnar úr austurhluta Mývatns til að greina gjóskulög og aldur setsins. Aðgerðin tókst að vonum. Á meðfylgjandi mynd sjást gjóskulög frá því kringum landnám. Lengst til vinstri er þykkt lag úr Grímsvötnum frá því um 820 e.Kr. Næst er óþekkt lag en þarnæst þunnt lag, landnámslagið svonefnda frá því um 870. Ofan við það er lag frá Veiðivatnakerfinu frá því um 940. Saman mynda þessi lög svonefnda landnámssyrpu sem kemur mjög við sögu fornleifarannsókna á svæðinu.
Yesterday we took ten sediment cores from Myvatn. The picture shows some of the most interesting tephra (volcanic ash) layers from the landnam (settlement) period. The second thin layer from left is the settlement tephra from around 870 A.D.
